yahi bazm-e-aish hogi yahi daur-e-jam hoga

yahi bazm-e-aish hogi yahi daur-e-jam hoga
magar aaj ka tasawwur yahan kal haram hoga

main kuch is tarah jiya hun ki yaqin ho gaya hai
mere baad zindagi ka bada ehtiram hoga

meri zist ek janaza hai jo rah-e-waqt mein hai
jo thakenge din ke kandhe to supurd-e-sham hoga

yahi hadsat-e-ghum hain to ye darr hai jeene walo
koi din mein zindagi ka koi aur naam hoga

Leave a Reply