qurbat bhi nahi dil se utar bhi nahi jata

qurbat bhi nahi dil se utar bhi nahi jata
wo shakhs koi faisla kar bhi nahin jata

aankhen hain ki khali nahi rehti hain lahu se
aur zakhm-e-judai hai ki bhar bhi nahi jata

wo rahat-e-jaan hai magar is dar-badri mein
aisa hai ki ab dhyan udhar bhi nahi jata

hum dohri aziyyat ke giraftar musafir
panw bhi hain shal shauq-e-safar bhi nahi jata

dil ko teri chahat pe bharosa bhi bahut hai
aur tujhse bichadh jaane ka dar bhi nahi jata

pagal hue jate ho ‘faraaz’ us se mile kya
itni si khushi se koi mar bhi nahin jata

Leave a Reply