phir usi rahguzar par shayad

phir usi rahguzar par shayad
hum kabhi mil saken magar shayad

jin ke hum muntazir rahe un ko
mil gae aur ham-safar shayad

jaan-pahchan se bhi kya hoga
phir bhi ai dost ghaur kar shayad

ajnabiyyat ki dhund chhaT jae
chamak uTThe teri nazar shayad

zindagi bhar lahu rulaegi
yaad-e-yaran-e-be-KHabar shayad

jo bhi bichhDe wo kab mile hain ‘faraaz’
phir bhi tu intizar kar shayad

Leave a Reply