mili hawaon mein udne ki wo saza yaro

mili hawaon mein udne ki wo saza yaro
ki main zameen ke rishton se kat gaya yaro

wo be-khayal musafir mai rasta yaro
kahan tha bas mein mere us ko rokna yaro

mere qalam pe zamane ki gard aisi thi
ki apne bare mein kuch bhi na likh saka yaro

tamam shehr hi jis ki talash mein gum tha
main us ke ghar ka pata kis se puchta yaro

jo be-shumar dilon ki nazar mein rehta tha
wo apne bachchon ko ek ghar na de saka yaro

janab-e-mir ki khud-gharziyon ke sadqe mein
miyan ‘wasim’ ke kahne ko kya bacha yaro

This Post Has 5 Comments

Leave a Reply