mera kiya tha main tuta ki bikhra raha

mera kiya tha main tuta ki bikhra raha
tere hathon mein to ek khilauna raha

ek zara si ana ke liye umr bhar
tum bhi tanha rahe main bhi tanha raha

tere jaane ka manzar hi ghum-khwar tha
zindagi bhar jo aankhon se lipta raha

mera ehsas sadiyon pe phaila hua
aisa aansu jo palken badalta raha

ghar ki sab raunaqen mujh se aur main ‘wasim’
taq par ek diye jaisa jalta raha

This Post Has 2 Comments

Leave a Reply