5 Top Ghazals Waseem Barelwi

Top Ghazals Waseem Barelwi

Zahid Hussain, better known by the pen name Wasim Barelvi, is an Indian Urdu-language poet.

Read 5 Top Ghazals Waseem Barelwi wrote excellently: 

1. Mili hawaon mein udne ki wo saza yaro

mili hawaon mein udne ki wo saza yaro
ki main zameen ke rishton se kat gaya yaro

wo be-khayal musafir mai rasta yaro
kahan tha bas mein mere us ko rokna yaro

mere qalam pe zamane ki gard aisi thi
ki apne bare mein kuch bhi na likh saka yaro

tamam shehr hi jis ki talash mein gum tha
main us ke ghar ka pata kis se puchta yaro

jo be-shumar dilon ki nazar mein rahta tha
wo apne bachchon ko ek ghar na de saka yaro

janab-e-mir ki khud-gharziyon ke sadqe mein
miyan ‘wasim’ ke kahne ko kya bacha yaro

ghazals waseem barelwi

2. Chal na sake 

mite wo dil jo tere ghum ko le ke chal na sake
wahi charagh bujhaye gae jo jal na sake

hum is liye nai duniya ke sath chal na sake
ki jaise rang ye badli hai hum badal na sake

main un charaghon ki umrewafa ko rota hun
jo ek shab bhi mere dil ke sath jal na sake

main wo musafire-ghumgin hun jis ke sath ‘wasim’
khizan ke daur se bhi kuch dur chal ke chal na sake

ghazals waseem barelwi

top ghazals ahmad faraz

3. Khauf lagta hai

na jaane kyun mujhe us se hi khauf lagta hai
mere liye jo zamane ko chod aaya hai

andheri shab ke hawalon mein usko rakkha hai
jo sare shehr ki ninden uda ke soya hai

rafaqaton ke safar mein to be-yaqini thi
ye faasla hai jo rishta banaye rakhta hai

wo khwab the jinhe hum mil ke dekh sakte the
ye baar-ezist hai tanha uthana padta hai

humein kitabon mein kya dhundne chale ho ‘wasim’
jo hum ko padh nahi paye unhi ne likha hai

ghazals waseem barelwi

top ghazals ahmad faraz

4. Bikhra raha

mera kiya tha main tuta ki bikhra raha
tere hathon mein to ek khilauna raha

ek zara si ana ke liye umr bhar
tum bhi tanha rahe main bhi tanha raha

tere jaane ka manzar hi ghum-khwar tha
zindagi bhar jo aankhon se lipta raha

mera ehsas sadiyon pe phaila hua
aisa aansu jo palken badalta raha

ghar ki sab raunaqen mujh se aur main ‘wasim’
taq par ek diye jaisa jalta raha

ghazals waseem barelwi

5. Yahi bazmeaish hogi yahi daur-ejam hoga

yahi bazmeaish hogi yahi daur-ejam hoga
magar aaj ka tasawwur yahan kal haram hoga

main kuch is tarah jiya hun ki yaqin ho gaya hai
mere baad zindagi ka bada ehtiram hoga

meri zist ek janaza hai jo rah-ewaqt mein hai
jo thakenge din ke kandhe to supurd-e-sham hoga

yahi hadsate-ghum hain to ye darr hai jeene walo
koi din mein zindagi ka koi aur naam hoga

top ghazals ahmad faraz

ghazals waseem barelwi
Thanks for Reading: 5 Top Ghazals Waseem Barelwi

Powered By 360Presence

ghazals waseem barelwi ghazals waseem barelwi ghazals waseem barelwi

Leave a Reply